Inippu _April -2019

Inippu Newsletter _April -2019

Diabetic foot care Special edition- கால் புண் &  கால் பாதுகாப்பு சிறப்பிதழ்

How to prevent diabetic foot Ulcer

How to avoid diabetic foot problems

Symptoms of Diabetic Foot problems

Who can suffer with diabetic foot problems-

யாருக்கு கால் பாதிப்பு ஏற்படுகிறது

Check your Feet –

உங்கள் கால்களை நீங்களே பரிசோதனை செய்து பாருங்கள்

CDF Diabetic care Team

Panther Pressure is the main cause for Foot Problems-

கால் பாத அழுத்தமே கால் பாதிப்பு

Inippu _May -2019

Inippu Newsletter _May -2019

  • Muscle Health
  • Why Blood sugar Fluctuate – சர்க்கரை எதனால் ஏறுகிறது இறங்குகிறது
  • சிறுதானிய உணவுகள் சாப்பிட்டால் தானாக சர்க்கரை குறையுமா?

 

Can I change from Insulin to Tablet

இன்சுலினிலிருந்து மாத்திரைக்கு மாற முடியுமா ?
வழிகாட்டுகிறது கோயம்புத்தூர் டயபடிஸ் பவுண்டேசன்

சர்க்கரை நோயை 2 வகையாக பிரிக்கலாம்.
முதல் வகை சர்க்கரை நோய் மற்றும் இரண்டாம் வகை சர்க்கரை நோய்

முதல் வகை சர்க்கரை நோய்:
சிறுவயதினருக்கு உண்டாவது. முற்றிலுமாக இன்சுலின் சுரப்பு இருக்காது. இன்சுலின் ஊசி போட்டுத் தான் சர்க்கரையை கட்டுப்படுத்த முடியும்.

இரண்டாம் வகை சர்க்கரை நோய் :
25 வயதுக்கு மேற்ப்பட்டவர்களுக்கு உண்டாகும். அவர்களுக்கு 2 வகையான குறைபாடு உள்ளது. 1. இன்சுலின் உற்பத்தி குறைவு, சுரக்கும் இன்சுலின் வேலை செய்யாமல் போவது. (Insulin Resistance). சர்க்கரை நோய் கண்டுபிடிக்கும் போது 50% இன்சுலின் குறைந்துவிடுகிறது. ஒவ்வொரு வருடமும் 6% இன்சுலின் குறைகிறது. அப்படி பார்த்தால், 10 ஆண்டுகள் சர்க்கரை உள்ளவர்களுக்கு உடலில் சுரக்கும் இன்சுலின் ஏறத்தாழ முற்றிலும் தீர்ந்துவிடுகிறது. இவர்களுக்கு மாத்திரை கேட்காது.
ஆரம்பகட்டத்தில் 1 மாத்திரையில் கட்டுப்பாட்டில் இருந்த சர்க்கரை, சில வருடங்களில் 5-6 மாத்திரை சாப்பிட்டாலும் கட்டுப்பாட்டில் வருவதில்லை. இந்த கட்டத்தில்தான் இன்சுலின் பரிந்துரை செய்யப்படுகிறது. ஆனால் மாத்திரை ஏன் வேலை செய்யவில்லை என்று அறிந்து இன்சுலின் தரப்பட வேண்டும். ஆனால் பல சந்தர்ப்பங்களில் மாத்திரைகள் கேட்கவில்லை என்று சிலருக்கு இன்சுலின் தரப்படுகிறது.

சிலருக்கு உணவுமுறை சரியாக கடைபிடிக்காததாலும், சிலருக்கு சரியான நேரத்தில் சாப்பிடாததாலும், சர்க்கரை அதிகமாகிறது. பலருக்கு வாக்கிங், உடற்பயிற்சி செய்யாததால், மாத்திரைகள் கேட்பதில்லை. சிலருக்கு அடிக்கடி வெளியில் சாப்பிடுவதால், மாத்திரைகள் கேட்பதில்லை. இப்படிபட்டவர்களுக்கு இன்சுலின் தேவைப்படாது. ஒருவருக்கு இன்சுலின் பரிந்துரை செய்வதற்கு முன்பாக அவர்கள் உணவுமுறை, உடற்பயிற்சி, போன்ற அடிப்படை விஷயங்களை சரி செய்த பின்னும் சர்க்கரை அதிகமாக இருந்தால் தான் இன்சுலின் பரிந்துரை செய்யப்பட வேண்டும். இன்று இன்சுலின் ஊசி போட்டுக் கொள்பவர்களில் 30% மேல் மாத்திரைக்கு மாற்றக்கூடியவர்கள்.

ஒருவருக்கு இன்சுலின் தேவையா? மாத்திரை போதுமா என்பதை

CDF ல் சிறப்பு பரிசோதனை மூலம் கண்டறிந்து சிகிச்சை அளிக்கப்படுகிறது.

இந்த பரிசோதனை மூலம் உங்களுக்கு எந்த வகை சர்க்கரை நோய் உள்ளது என்பதை அறிய முடியும். நோயின் தன்மை, உடலில் உள்ள அறிகுறிகள், பின்விளைவுகள், HbA1c பரிசோதனை, இரத்த குழாய் அடைப்பு கண்டறியும் பரிசோதனைகள் மூலம் அறியலாம். இதற்கு முழு உடல் பரிசோதனை அவசியம். அவசியம் உள்ளவர்கள் CDF மருத்துவமனையில் 3-5 நாட்கள் தங்கி சிகிச்சை பெறுவது நல்லது.

Importance of Master health checkup

முழு உடல் பரிசோதனை அவசியமா?
தெளிவு தரும் கோயம்புத்தூர் டயபடிஸ் பவுண்டேசன்

ஆண்டுக்கு ஒரு முறை சர்க்கரை நோய்க்கென்று பிரத்யேக முழு உடல் பரிசோதனை செய்தால், பின்விளைவுகளை முன்கூட்டியே அறிந்து தடுக்க முடியும். சர்க்கரை நோய் என்பது ரத்தத்தில் அதிக சர்க்கரை மற்றும் இரத்த குழாய்களை அடைக்கும் நோய். கட்டுப்படுத்தப்படாத சர்க்கரையால் உடலின் அனைத்து பாகங்களும் பாதிக்கப்படலாம்.

இரத்த குழாய்களில் 90% அடைப்புக்கு பின்னரே அறிகுறிகள் மற்றும் உறுப்புகளின் செயலிழப்பு உண்டாகும். இதை தவிர்க்க ஆரம்பத்திலேயே முழு உடல் பரிசோதனை செய்வது அவசியம். அதற்கு சுமார் 4000 ரூபாய் செலவு பிடிக்கும் என்றால் அவசர சிகிச்சைக்கு ICU வில் 4 லட்சம் ரூபாய் வரை செலவாகும். சர்க்கரை நோயை தவிர, அதிக கொலஸ்ட்ரால், அதிக இரத்த அழுத்தம், அதிக உடல் எடை, மன அழுத்தம், புகைபிடித்தல், ஆகியவற்றால் இரத்த குழாய் அடைப்பு உண்டாகும். முழு உடல் பரிசோதனை மூலம் இவையனைத்தும் கண்டறியப்படுகிறது.

அதிக சர்க்கரையால் ஏற்படும் அறிகுறிகளும்

அதை தடுக்க செய்ய வேண்டிய பரிசோதனைகளும்.

மூளை :
வாதம், பக்கவாதம், ஒரு பக்கம் கை கால் மறத்துப்போதல், கவனக்குறைவு, மறதி, அடிக்கடி சுயநினைவின்மை, மயக்கம், தலைசுற்றல். கண்:பார்வை மங்குதல், இரட்டை பார்வை, கண்ணில் நீர் வடிதல், அடிக்கடி கண்கட்டி, கண் வலி.

இருதயம் :
நடந்தால் நெஞ்சு வலி, மூச்சு திணறல், நெஞ்சு எரிச்சல், படபடப்பு, இடது தோள்பட்டை, இடது கை வலி.
கிட்னி :
அதிக இரத்த அழுத்தம், பசியின்மை, சிறுநீரில் புரதம் ஒழுகுதல், கால் வீக்கம், முக வீக்கம்.
கால் :
கால் எரிச்சல், மதமதப்பு, குதிகால் வலி, கெண்டை கால் வலி, வீக்கம், கால் நகங்களில் நிறம் மாற்றம், தோல் கருப்பாக மாறுதல், காலில் உள்ள முடிகள் உதிர்ந்து போதல், கால் ஆணி, ஆறாத புண், கணுக்கால் வலி, பஞ்சு மேல் நடப்பது போல் உணர்வு, காலில் கொப்பளங்கள், கால் வெடிப்பு, ஊசி குத்துவது போன்ற உணர்வு, ஏதோ ஒட்டிக் கொண்டு இருப்பது போன்ற உணர்வு.

கோவை மையத்தில் executive முழு உடல் பரிசோதனையில் சர்க்கரை நோய் உள்ளவர்களுக்கு பிரத்யேக பரிசோதனைகள் செய்யப்படுகிறது.

கண்Fundus Photo : விழித்திரையை படம் பிடித்தல். கண்ணில் தான் கண்ணாடி போல் இரத்த குழாய் அடைப்பை நேரடியாக பார்க்க முடியும்

சர்க்கரை-HbA1c :சர்க்கரை கட்டுப்பாட்டை அறியும் சிறப்பு பரிசோதனை. இந்த பரிசோதனை அதிநவீன கருவி மூலம் சர்வதேச தரத்தில் செய்யப்படவேண்டும்.

கிட்னி – Microalbumin சிறுநீரகம் ஆரம்ப கட்ட பாதிப்பை அறியும் பரிசோதனை. கணைய பரிசோதனை – கணையத்தின் செயல்பாடு குறைவதால்தான் சர்க்கரை நோய் உண்டாகிறது. கணையத்தின் செயல்பாட்டை அறியும் சிறப்பு பரிசோதனையை CDF ல் செய்யப்படுகிறது. இருதய பரிசோதனை – ECG / ECHO பரிசோதனைகளை நாம் செய்கிறோம் ஆனால் பல இடங்களில் ECG, X Ray மட்டுமே செய்கின்றனர். கால் பரிசோதனை – காலில் நரம்பு பாதிப்பு, இரத்த ஓட்டம் , கால் பாத அழுத்தம் கால் தசை நார்கள் போன்ற சிறப்பு பரிசோதனைகள் செய்யப்படுகிறது.

Prevent Diabetes

 

சர்க்கரை நோயினால் உடலில் பாதிப்பு உள்ளதா அறியும்
சிறப்பு முழு உடல் பரிசோதனை
விளக்கம் அளிக்கிறது கோயம்புத்தூர் டயபடிஸ் பவுண்டேசன் (CDF)

90% இரத்தக்குழாய் அடைத்த பின்புதான் மாரடைப்பு, கிட்னி செயலிழப்பு, வாதம், காலிழப்பு, கண் பாதிப்பு உண்டாகிறது. சுமார் 15-20 வருடங்கள் படிப்படியாக இரத்தக்குழாய் அடைக்கப்பட்டு பாதிப்பு உண்டாகிறது. 30 வயது காரருக்கும், 60 வயது காரருக்கும் வித்தியாசம் இரத்தக்குழாய் சுருக்கம், இரத்தக்குழாய் ஆரோக்கியமாக இருந்தால் எத்தனை ஆண்டுகள் ஆனாலும் நாம் ஆரோக்கியமாக இருக்கலாம். 2 மி.மீ இரத்தக்கட்டி : 70 கிலோ எடையுள்ள ஒரு மனிதனின் 2 மி.மீ. அளவிலுள்ள ஒரு சிறிய இரத்தக்கட்டி உயிரிழப்பை உண்டாக்கலாம். திடீரென்றோ படிபடியாகவோ இரத்தக்குழாய் அடைப்பு உண்டானால் இரத்த ஓட்டம் பாதிக்கப்பட்டு பாதிக்கப்பட்ட பகுதியில் மாரடைப்பு, சிறுநீரக பாதிப்பு உண்டாகும்.

பாலும் கெட்டு, பால் பாத்திரமும் கெட்டுபோவது போல

இரத்தக்குழாய் கெட்டு அடைப்பு உண்டாதல், இரத்தம் கெட்டு இரத்தம் கட்டியாக மாறுதல். இதில் எந்த மாற்றம் உண்டானாலும் முடிவு ஒன்று தான் இரத்தக்குழாயில் அடைப்பு ஏற்படுதல்.

இரத்தக்குழாய் அடைப்பு ஏற்பட காரணம் :

முதல் முக்கிய காரணம் புகைபிடித்தல் 2. கட்டுப்படுத்தப்படாத சர்க்கரை (HbA1c >7.0%) மேல் 3. அதிக இரத்த அழுத்தம் 4. அதிக கொலஸ்ட்ரால் 5. உடல் உழைப்பின்மை 6. அதிக எடை, தொந்தி

உடலுழைப்பு உடற்பயிற்சி இல்லாதிருத்தல்:

எனக்கு சர்க்கரை நோய் இல்லை. இரத்த அழுத்தம் இல்லை. நான் ஏன் வாக்கிங் செல்ல வேண்டும் என்று பலர் கேட்கின்றனர்.
இரத்தக்குழாய் ஒரு இரப்பர் பந்து போல சுருங்கி விரியும் தன்மை கொண்டது. அதற்கு உடற்பயிற்சி அவசியம். உடற்பயிற்சி (வாக்கிங்) செய்யும் போது இரத்தக்குழாயின் சுருங்கி விரியும் தன்மை பாதுகாக்கப்படுகிறது. இரத்தக்குழாய் உட்புறத்தில் சர்க்கரை கொழுப்பு அதிகமாக இருந்தாலும் அது பாதிக்காது. கெடாவெட்டு, கல்யாணம் சென்றாலும் வாக்கிங் செல்பவர்களுக்கு அது பாதிக்காது. இரத்தக்குழாய் அடைக்காது.

இரத்த ஓட்டமே உயிர் ஓட்டம்

உடற்பயிற்சி இருதயத்தை பலப்படுத்தும். பூமி சுழலுவது போல இரத்த ஓட்டம் நம் உடலில் நன்றாக இருந்தால் தான் ஆரோக்கிமாக இருக்கலாம். அதை சரி செய்வது உடற்பயிற்சி.

இரத்தம் உறைதல்:

இரத்தக்குழாய் நன்றாக இருந்தாலும் திடீரென்று இரத்தம் உறைந்து விட்டால் மாரடைப்பு உண்டாகும். இரத்தம் உறையும் தன்மை, அதிக சர்க்கரை, அதிக கொலஸ்ட்ரால் காரணமாகவும் நீர்சத்து குறைவதாலும் உண்டாகலாம். (உ.ம்) : 100 இருக்க வேண்டிய சராசரி சர்க்கரை 300 இருந்தால் இரத்தம் உறைந்து கொழ கொழ வென மாறிவிடும். இரத்தம் உறைந்து விடும். இரத்த ஓட்டம் வேகமாக இல்லாமல் மெதுவாக செல்லும் போது இரத்தம் உறையலாம். இதற்கு உடற்பயிற்சி அவசியம். சோம்பி படுக்கையிலேயே கிடப்பவர்களுக்கும், எப்போதும் உட்கார்ந்து கொண்டே இருப்பவர்களுக்கும் இரத்தக்குழாய் அடைப்பு ஏற்படும் வாய்ப்பு மிகவும் அதிகம்.

நோய் ஏற்படும் முன் உண்டாகும் பொதுவான அறிகுறிகள் :

உடல் சோர்வு, பகல் நேரத்தில் படுத்துக் கொள்ளலாமா என்று தோன்றுதல், கைகால் வலி, இடுப்பு வலி, முதுகு வலி, சாதாரண வேலை செய்தாலே உடல் அசதி, தூக்கமின்மை, படுத்தவுடன் தூக்கம் வருவதில்லை. தூங்கின சிறிது நேரத்திலேயே தூக்கம் கலைந்து விடுவது, தூங்கி எழுந்தவுடன் இன்றும் கொஞ்சம் நேரம் படுத்துக் கொள்ளலாமா என்ற உணர்வு. காலை எழுந்தவுடன் சுறுசுறுப்பு இல்லாமல் சோர்வாக இருத்தல், பசியின்மை, பசிக்குது ஆனால் சாப்பிட முடியவில்லை. சாப்பிட்ட பின் ஓய்வு எடுக்க வேண்டும் என்ற எண்ணம், வயிறு எரிச்சல், மறதி.

நோய் வந்தபின் ஏற்படும் அறிகுறிகள் :

மூளை :

வாதம், பக்கவாதம், ஒரு பக்கம் கை கால் மறத்துப்போதல், கவனக்குறைவு, மறதி, அடிக்கடி சுயநினைவின்மை, மயக்கம், தலைசுற்றல்.

கண் :

பார்வை மங்குதல், இரட்டை பார்வை, கண்ணில் நீர் வடிதல், அடிக்கடி கண்கட்டி, கண் வலி.

இருதயம் :

நடந்தால் நெஞ்சு வலி, மூச்சு திணறல், நெஞ்சு எரிச்சல், படபடப்பு, இடது தோள்பட்டை, இடது கை வலி.

கிட்னி :

அதிக இரத்த அழுத்தம், பசியின்மை, சிறுநீரில் புரதம் ஒழுகுதல், கால் வீக்கம், முக வீக்கம்.

கால் :

கால் எரிச்சல், மதமதப்பு, குதிகால் வலி, கெண்டை கால் வலி, வீக்கம், கால் நகங்களில் நிறம் மாற்றம், தோல் கருப்பாக மாறுதல், காலில் உள்ள முடிகள் உதிர்ந்து போதல், கால் ஆணி, ஆறாத புண், கணுக்கால் வலி, பஞ்சு மேல் நடப்பது போல் உணர்வு, காலில் கொப்பளங்கள், கால் வெடிப்பு, ஊசி குத்துவது போன்ற உணர்வு, ஏதோ ஒட்டிக் கொண்டு இருப்பது போன்ற உணர்வு.

நான் நன்றாக இருக்கிறேன் நான் ஏன் செக்கப் செய்து கொள்ள வேண்டும் :

90% இரத்தக்குழாய் அடைபட்டால் அறிகுறிகள் தெரியும். அதுவரை காத்திருப்பது ஆபத்தானது. வண்டிக்கு சர்வீஸ் உள்ளது. உடம்புக்கு சர்வீஸ் உள்ளதா? நல்லா ஓடுகின்ற வண்டிக்கு சர்வீஸ் செய்கிறோம். நம் உடல் நலத்திற்கு என்ன செய்கிறோம் என்று சிந்திக்க வேண்டும். எல்லா பரிசோதனைகளும் எனக்கு அவசியமா? என்று நினைப்பவர்களுக்கு மருத்துவ ஆலோசனை பெற்று அவசியமுள்ள பரிசோதனைகளை மட்டும் செய்து கொள்ளலாம். ஏற்கனவே நோய் உள்ளவர்கள் மற்றும் அறிகுறிகள் உள்ளவர்கள் முழு உடல் பரிசோதனை செய்து கொள்வது அவசியம்.

3 நாட்கள் CDF மருத்துவமனையில் ஓய்வெடுத்து சிகிச்சை

CDF மருத்துவமனையில் முழு உடல் பரிசோதனை முகாம், கால் பாதுகாப்பு பரிசோதனை முகாம், மினி ஹெல்த் செக்கப் முகாம் தினமும் நடைபெறுகிறது. அறிகுறிகள் உள்ளவர்கள், அதிக சர்க்கரை உள்ளவர்கள், சிஞிதி மருத்துவமனையில் ஓய்வெடுத்து சிகிச்சை பெற்றால் நல்ல நிவாரணம் கிடைக்கும் . ஒரு முறை முழு உடல் பரிசோதனை செய்து கொண்டு தொடர் சிகிச்சையை திருப்பூர், பொள்ளாச்சி, உடுமலை, சேலம், ஈரோடு, சத்தி, கோபி, ஊட்டி போன்ற கிளை மையங்களில் பெறலாம்.

நோயின் தன்மையை பொருத்தே சிகிச்சை 

நோயின் தன்மையை பொருத்தே சிகிச்சை

விளக்கம் அளிக்கிறது கோயம்புத்தூர் டயபடிஸ் பவுண்டேசன் (CDF)

 

சர்க்கரை நோய் பல குறைபாடுகளால் உண்டாகலாம். காரணத்தை அறிந்து சிகிச்சை அளிப்பதே சிறந்த சிசிச்சை. சிலருக்கு கணையத்தில் இன்சுலின் சுரப்பு குறையலாம். பலருக்கு சுரக்கும் இன்சுலின் வேலை செய்யாமல் இருக்கலாம். சிலருக்கு கல்லீரலில்இருந்து அதிக சர்க்கரை உற்பத்தி ஆகலாம். சிலருக்கு உண்ணும் உணவில் உள்ள சர்க்கரை சதைகளுக்குள் செல்ல முடியாமல் இரத்தத்தில் தங்கியிருக்கலாம். சில வகை சர்க்கரை நோய் இன்சுலின் எதிர்ப்பு ஹார்மோன்கள் அதிகம் சுரப்பதால் உண்டாகலாம். சிலருக்கு கணையம் கெட்டுப் போவதால் உண்டாகலாம். எனவே காரணத்தை அறிந்து சிகிச்சை அளிப்பதே பயன்தரும்.

இரத்தத்தில் சர்க்கரை 100 மிகி என்றால் ஒரு மாத்திரை, 200 மிகி இருந்தால் 2 மாத்திரை என்று தான் இன்று சிகிச்சை அளிக்கப்படுகிறது. மாத்திரைகளையே பிரதானமாக நம்பி அளிக்கப்படும் சிகிச்சை வெற்றிகரமாக அமையாது. உணவே முதல் மருந்தாக, உடற்பயிற்சியே முக்கியமானதாக அளிக்கப்படும் சிகிச்சையே பலன்தரும்.

சிலருக்கு மாத்திரை, சிலருக்கு இன்சுலின், சிலருக்கு இரண்டுமே தேவைப்படும். இதற்க்காகத்தான் CDF ல் தங்கி சிகிச்சை பெறுமாறு அறிவுறுத்துகிறோம். உங்களுக்கு பொருத்தமான மருந்து மாத்திரைகளை தேர்ந்தெடுக்க இது உதவும். உங்களுக்கு எந்த அளவு மாத்திரை என்பதையும் நாம் கண்டறியலாம். இதன் மூலமாக கட்டுப்படாத சர்க்கரையையும் 3 நாட்களில்  நாம் கட்டுப்பாட்டிற்குள் கொண்டு வரலாம்.

உங்களுக்கு சர்க்கரை நோயின் பாதிப்பு பாதிப்பு உள்ளதா என்பதையும் அறியலாம் பாதிப்புகளை தடுக்கலாம். சர்க்கரை நோயால் உடலில் உள்ள உறுப்புக்கள் பாதிக்கப்படலாம். இவற்றை முன்கூட்டியே அறிந்து தடுக்க முடியும். 3 நாட்களில் தங்கியிருக்கும் போது சர்க்கரை நோயுடன் வாழ்வதற்கு உங்களுக்கு பயிற்சி அறிக்கப்படும்.

உணவுமுறையில் என்ன மாற்றம் செய்ய வேண்டும், உணவுமுறை சமைக்கும் செயல்முறை விளக்கம், உடற்பயிற்சி, மூச்சுப்பயிற்சி, தியானம், கற்றுத்தரப்படுகிறது. CDF மருத்துவமனை மருதமலை அடிவாரத்தில் 7 ஏக்கர் நிலப்பரப்பில், இயற்கையான சூழலில் அமைந்துள்ளது. 50க்கும் மேற்பட்ட தனி ரூம்கள், கிசி ரூம்கள், சூட் ரூம்கள், ஜெனரல் வார்டுகள் உள்ளது. பலர் மருத்துவமனைக்கு செல்வது விரும்புவதில்லை காரணம் பயம் மற்றும் அங்குள்ள சூழ்நிலையே காரணம். CDF ஒரு மருத்துவமனை போல் இல்லாமல் நீங்கள் சுற்றுலா வந்த உணர்வை அளிக்கிறது.

சர்க்கரை நோய் சிகிச்சையில் 28 ஆண்டுகள் அனுபவமுள்ள CDF தலைமை சர்க்கரை நோய் மருத்துவர் Dr.V. சேகர் அவர்களின் தலைமையில் பல்துறை சிறப்பு மருத்துவ குழுவினர், உணவியல் நிபுணர்கள், செவிலியிர்கள் அடங்கிய 30க்கும் மேற்பட்ட மருத்துவ குழுவினர் உங்களுக்கு சிகிச்சை அளிப்பார்கள். கோடை விடுமுறையில் ஆரோக்கிய சுற்றுலாவை மேற்க்கொள்ளலாம். இங்கு தங்கியிருக்கும் போது மருதமலை, பேரூர் கோயில், ஈஷா யோகா மையம், ஆலியார் போன்ற இடங்களுக்கு சென்று வரலாம்.

உங்கள் கால்களை காதலியுங்கள் :

உங்கள் கால்களை தினமும் நீங்களே பரிசோதனை செய்து பாருங்கள். கீழ்கண்ட அறிகுறிகள் இருந்தால் உங்களுக்கு மருத்துவ ஆலோசனையும் முறையான பரிசோதனைகளும் அவசியம்.

கால் எரிச்சல், மதமதப்பு, கால் வலி, உணர்வற்ற தன்மை, ஊசி குத்துவது போன்ற உணர்வு, கால் தோல் கறுப்பாக மாறுவது,  காலில் முடி உதிர்வது, விரல் வைத்து அழுத்தினால் குழி உண்டாவது,  விரல்கள் கோணையாக இருப்பது, வளைந்து உருவம் மாறுவது, விரல்களின் நகங்களில் நிறமாற்றம்,  நகத்தின் ஓரத்தில் அழுத்தினால் வலி உண்டாவது, கால் பாதத்தின் அடிப்பகுதியில் ஆணிக்கால் பித்த வெடிப்பு, விரல்களின் இடையில் சேற்றுப்புண், காலில் ஏதோ ஒட்டி கொண்டிருப்பது போன்ற உணர்வு, பஞ்சு மேல் நடப்பது போன்ற உணர்வு, செருப்பு தானாக கழன்றுவிடுவது,  செருப்பு இருக்கா இல்லையா என்று தெரியாத நிலை, காலை எழுந்தவுடன் கால்களில் பயங்கர வலி,  நடக்க முடியாமை,  துங்கும் போது கெண்டைபிடிப்பது போன்ற அறிகுறிகள்.

 

முழு உடல்  பரிசோதனை

சர்க்கரை நோய் உள்ளவர்கள்  முழு உடல் பரிசோதனை செய்வதன் மூலம் பின்விளைவுகளை முன்கூட்டியே அறிந்து தடுக்க முடியும். மருத்துவர் ஆலோசனை பெற்று அவசியமுள்ள பரிசோதனைகளை மட்டும் செய்து கொள்ளலாம். ஒரு முறை  முழு உடல் பரிசோதனை செய்து கொண்டு தொடர் சிகிச்சையை திருப்பூர், பொள்ளாச்சி, உடுமலை, சேலம், ஈரோடு, சத்தி, கோபி, ஊட்டி  போன்ற கிளை மையங்களில் பெறலாம். மினி ஹெல்த் செக்கப், கால் பரிசோதனை முகாம் பொருத்தமான மாத்திரையை தேர்ந்தெடுக்கும் முகாமும் நடைபெறுகிறது. கோவை ஆர்.எஸ்.புரம் மையத்திலும் பரிசோதனை மற்றும் மருத்துவ ஆலோசனை பெற்றுக் கொள்ளலாம்.

  அதிக சர்க்கரை உள்ளவர்கள், சர்க்கரை அடிக்கடி ஏறி ஏறி  இறங்குபவர்கள், அடிக்கடி லோ சுகர் பிரச்சனை உள்ளவர்கள்,  முதல் வகை சர்க்கரை நோய் உள்ளவர்கள், கால் எரிச்சல், மதமதப்பு உள்ளவர்கள் கால் வலியால் நடக்கமுடியாதவர்கள், சர்க்கரை நோய் பின்விளைவுகள் உள்ளவர்கள், CDF ரிசார்ட் மருத்துவமனையில்  ஓய்வெடுத்து சிகிச்சை பெறுவது நல்லது

கால் வீக்கம் – கவனம் தேவை

கால் வீக்கம் – கவனம் தேவை

அறிவுறுத்துகிறது கோயம்புத்தூர் டயபடிஸ் பவுண்டேசன் (CDF)

 

சர்க்கரை நோய் உள்ளவர்களுக்கு கால் வீக்கம் உண்டாக பல காரணங்கள் உள்ளன.

  1. கிட்னி பாதிப்பால் உண்டாகும் கால் வீக்கம்
  2. இருதய பாதிப்பால் உண்டாகும் கால் வீக்கம்
  3. கல்லீரல் பாதிப்பால் உண்டாகும் கால் வீக்கம்
  4. சில மாத்திரைகளால் உண்டாகும் கால் வீக்கம்
  5. கிருமி தாக்குவதால் நீர் கோர்ப்பதால் உண்டாகும் கால் வீக்கம்
  6. இரத்த குழாய் கோளாறுகள் காரணமாக உண்டாகும் கால் வீக்கம்
  7. நடக்காமல் நீண்ட நேரம் காலை தொங்கப்போட்டு கொண்டு உட்காருவதால் கால் வீக்கம்
  8. தைராய்டு குறைபாடுகளால் உண்டாகும் கால் வீக்கம்

 

  1. கிட்னி பாதிப்பால் உண்டாகும் கால் வீக்கம் : சர்க்கரை நோய் பின்விளைவு காரணமாக கிட்னி பாதிக்கப்பட்டால் கால் வீக்கம், முக வீக்கம், உண்டாகும். கிட்னி உடலில் உள்ள அதிக நீர், மற்றும் உப்பை வெளியேற்றும். கிட்னி செயல்பாட்டில் மாற்றும் இருந்தால் கால் வீக்கம் உண்டாகலாம்.
  2. இருதய பாதிப்பால் உண்டாகும் கால் வீக்கம் : இருதய செயலிழப்பு (திணீவீறீuக்ஷீமீ) அல்லது தசை நார்கள் இயங்காமல் போனாலோ இருதயம் இரத்தத்தை விரைவாக பம்ப் செய்ய முடியாமல் போனாலோ காலில் வீக்கம் உண்டாகலாம்.
  3. கல்லீரல் பாதிப்பால் உண்டாகும் கால் வீக்கம் : கல்லீரல் பாதிப்பு ஏற்பட்டாலும், கால் வீக்கம் உண்டாகலாம். கல்லீரல் பாதிக்கப்பட்டால் ஆல்புமின் என்ற புரததத்தின் உற்பத்தி குறைகிறது. இதனால் இரத்த குழாய்க்குள் இருக்கும் நீர் இரத்த குழாயிலிருந்து வெளியேறி, சதைகளில் தங்குவதால் கால் வீக்கம் உண்டாகிறது. அதிக சர்க்கரை காரணமாக கல்லீரலும் பாதிக்கப்படலாம்.
  4. சில வகை மாத்திரைகளால் உண்டாகும் கால் வீக்கம் : சர்க்கரையை குறைக்கும் மாத்திரைகளான கிளட்டசோன் மாத்திரைகள் கால் வீக்கத்திற்க்கு முக்கிய காரணமாகும். சிலருக்கு இவ்வகை மாத்திரைகள் இருதய பாதிப்பை உண்டாக்குகிறது. இதனாலும் கால் வீக்கம் உண்டாகிறது. இரத்த அழுத்தத்தை குறைக்கும் அம்லோடிபின் போன்ற மாத்திரைகளும் கால் வீக்கத்தை ஏற்படுத்தலாம். பொருத்தமில்லாத மாத்திரைகளாலும் கால் வீக்கம் உண்டாகலாம்.

கால் வீக்கம் உள்ளவர்கள் என்ன காரணத்தால் வீக்கம் உண்டானது அதற்கேற்ற சிகிச்சையை மேற்க்கொள்ள மருத்துவ ஆலோசனை அவசியம். கால் வீக்கத்திற்க்கு மருத்துவ ஆலோசனையின்றி நீர் மாத்திரைகளை வாங்கி சாப்பிடுவது ஆபத்தானது. கால் வீக்கத்திற்க்கான காரணத்தை கண்டறிந்து கேற்ற சிகிச்சை

Foot care

காக்க காக்க கால்களை காக்க

அறிவுறுத்துகிறது கோயம்புதூர் டயபடிஸ் பவுண்டேசன் (CDF)

இவ்வுலகில் அதிக மக்களை பாதிக்கக் கூடிய நோயாக சர்க்கரை நோய் உள்ளது. சர்க்கரை நோயின் உலக தலை நகரமாக இந்தியா மாறியுள்ளது. இதில் 60% நோயாளிகள் சர்க்கரையை கட்டுப்பபாட்டில் வைத்திருப்பதில்லை. பொதுவாக சர்க்கரை நோய் உள்ளவர்களுக்கு கால் எரிச்சல், மதமதப்பு, கால் வலி இருந்தால் கால் புண் உண்டாகும் வாய்ப்பு அதிகம். இதை சரி செய்ய முறையான சிகிச்சை அவசியம்.

உங்கள் கால்களை நீங்களே பரிசோதனை செய்து பாருங்கள்:

O கால் தோல் கறுப்பாக உள்ளதா? காலில் முடி உதிர்ந்துள்ளதா ?
O விரல் வைத்து அழுத்தினால் குழி உண்டாகிறதா ?
O விரல்கள் கோணையாக உள்ளதா?
O வளைந்து உருவம் மாறியுள்ளதா?
O விரல்களின் நகங்களில் நிறமாற்றம் உள்ளதா?
O நகத்தின் ஓரத்தில் அழுத்தினால் வலி உண்டாகிறதா ?
O கால் பாதத்தின் அடிப்பகுதியில் ஆணிக்கால் பித்த வெடிப்பு உள்ளதா?
O விரல்களின் இடையில் சேற்றுப்புண் உள்ளதா?
O காலில் ஏதோ ஒட்டி கொண்டிருப்பது போன்ற உணர்வு உள்ளதா?
O பஞ்சு மேல் நடப்பது போன்ற உணர்வு நடந்தால் ஊசி குத்துவது போன்ற உணர்வு உள்ளதா?
O செருப்பு தானாக கழன்றுவிடுகிறதா?
O செருப்பு இருக்கா இல்லையா என்று தெரியாத நிலை உள்ளதா?
O காலை தூங்கி எழுந்தவுடன் கால்களில் பயங்கர வலி உண்டாகிறதா?
O நடக்க முடியாமல் கஷ்டப்படுகிறீர்களா?
O தூங்கும் போது கெண்டை பிடிக்கிறதா?

மேற்கண்ட விஷயங்கள் உங்கள் காலில் இருந்தால் உங்களுக்கு பரிசோதனைகளும் மருத்துவ ஆலோசனையும் அவசியம்.

How to avoid Low Sugar (Hypoglycemia)


Symptoms of Low sugar

  • Feeling shaky
  • Being nervous or anxious
  • Sweating, chills and clamminess
  • Irritability or impatience
  • Confusion
  • Fast heartbeat
  • Feeling lightheaded or dizzy
  • Hunger
  • Nausea
  • Color draining from the skin (pallor)
  • Feeling Sleepy
  • Feeling weak or having no energy
  • Blurred/impaired vision
  • Tingling or numbness in the lips, tongue, or cheeks
  • Headaches
  • Coordination problems, clumsiness
  • Nightmares or crying out during sleep
  • Seizures
1 2 3

Search

+